** ဖုန်းနံပါတ် (Contacts) တွေကို ကောင်းကင်ပေါ်မှာ သိမ်းထားကြပါစို့ **

** ဖုန်းနံပါတ် (Contacts) တွေကို ကောင်းကင်ပေါ်မှာ သိမ်းထားကြပါစို့ **

ကျွန်တော်တို့တွေရဲ့ ဖုန်းတွင် အရေးပါတဲ့ ကဏ္ဍနေရာမှာ Contacts တွေလဲ ပါဝင်ပါတယ်။ ဖုန်းပျောက်သွားလို့ (သို့) ပျက်စီးသွားရင် အရေးကြီးတဲ့ ဖုန်းနံပါတ်တွေ ပျောက်ဆုံးသွားနိုင်ပါတယ်။ တစ်ချို့က ဒီလိုမဖြစ်ရအောင် ကွန်ပျူတာမှာ PC Suite Software တွေနဲ့ Contacts တွေကို backup
လုပ်ထားကြပါတယ်။ တစ်ခုခုဖြစ်ရင် ဖုန်းနံပါတ်တွေ မပျောက်အောင် ပြန်ထည့်နိုင်ဖို့ ကြိုတင် ကာကွယ်ထားကြပါတယ်။ ဘော်ဒါရော လုပ်ထားလား။ တကယ်လို့ မလုပ်ထားမိသေးဘူးဆိုရင် အခု ကျွန်တော်ပြောမယ့် နည်းလမ်းလေးကို စမ်းကြည့်စေချင်ပါတယ်။ ကွန်ပျူတာမလိုပါဘူး။ Contacts တွေကို ကောင်းကင်ပေါ်မှာ သိမ်းထားကြရအောင်။ ဒီနည်းလမ်းလေးက ဘာတွေအကျိုးရှိလဲဆိုရင် ..

- Contacts တွေကို လုံခြုံ စိတ်ချစွာ သိမ်းဆည်းနိုင်တယ်။
- ဘယ်ဖုန်းအမျိုးစားပဲဖြစ်ဖြစ် ပြန်ထည့်ပြီး သုံးလို့ရတယ်။
- အခမဲ့ အသုံးပြုခွင့်ပေးတယ်။
- အချိန်မရွေး၊ နေရာမရွေး၊ အလွယ်တကူ Contacts တွေ ပြန်ယူနိုင်တယ်။
- ကွန်ပျူတာ မသုံးပဲ Contacts တွေကို သိမ်းထားနိုင်တယ်။

တကယ်ကို အသုံးဝင်ပါတယ်။ Iphone ကနေ Android ဆီကို Contacts တွေထည့်မလား။ မတူညီတဲ့ ဖုန်းအမျိုးစားတွေမှာ ကြိုက်သလို ပြောင်းလဲနိုင်လို့ အလန်းစားလေးပါ။
ကဲ စကားလဲ များပြီးပြီ။ လုပ်နည်းလေး ပြောပြတော့မယ်။

ရှာဖွေတွေ့ရှိခဲ့တဲ့ app နာမည်လေးက Zootta ပါ။ စက်ရုပ်လေးပေါ့။ ကျွန်တော်တို့ ဖုန်းနံပါတ်တွေကို သိမ်းဆည်းပေးမယ့် online စက်ရုပ်လေးပါ။ အရင်ဆုံး Zootta app ကို download ဆွဲပြီး install လုပ်ပါ။ ပြီးရင် ဖုန်း intertnet ဖွင့်ထားပေးပါ။ Zootta မှာ register လုပ်ရပါမယ်။
မြန်ပါတယ်။ ဘာ code မှာ မျှော်နေစရာမလိုပါဘူး။ ချက်ချင်းလုပ် ချက်ချင်း သုံးနိုင်ပါတယ်။ email , သင့်ဖုန်းနံပါတ် (+9509 ............. ) , Pin (zootta အတွက် password) တွေကို ဖြည့်ပေးပြီး register လုပ်ပါ။ register လုပ်ပြီးရင် ပုံ(၁)မှာလို မြင်ရပါမယ်။

Manage Contacts ကို နှိပ်ပါ။ ဖုန်းနံပါတ်များကို Zootta online storage ကြီးတွင် သိမ်းချင်ရင် ( Save my contacts ) ကို နှိပ်ပါ။ Warning ဆိုပြီး စာတက်လာရင် OK နှိပ်လိုက်ပါ။ ဒါဆိုရင် သင့် ဖုန်းနံပါတ်တွေကို online storage မှာ မှတ်သားထားပါပြီ။ တကယ်လို့ သင့်ဖုန်းနံပါတ်တွေ သိမ်းထား မထား သေချာသိချင်ရင် www.zootta.com ဆိုတဲ့ website မှာ သွားကြည့်နိုင်ပါတယ်။ email နဲ့ pin code လေးရိုက်ပြီး log in ၀င်ကာ သင့် ဖုန်းနံပါတ်များကို ကြည့်နိုင်ပါတယ်။ ပြင်ဆင်နိုင်ပါတယ်။

ကဲ .. သင့်ဖုန်းနံပါတ်တွေကို ဖုန်းထဲ ပြန်ထည့်ချင်ပြီဆိုပါတော့ Zootta app ကိုဖွင့်ပါ။ pin နံပါတ်ရိုက်ပြီး login ၀င်ပါ။ Manage contacts ကို နှိပ်ပါ။ ( Retrieve my contacts ) ကိုနှိပ်ပါ။
နှိပ်လိုက်ရင် ပုံ(၂)မှာလိုမြင်ရပါမယ်။ Retrieve selective contacts ဆိုတာကတော့ ဖုန်းနံပါတ်တွေကို အကုန်မထည့်ပဲ ကိုယ်လိုချင်တဲ့ နံပါတ်ကိုသာ select မှတ်ပြီး ပြန်ထည့်ဖို့ပါ။ Retrieve all contacts ဆိုတာကတော့ မှတ်ထားတဲ့ ဖုန်းနံပါတ်အကုန်လုံးပြန်ထည့်ဖို့ပါ။ 
ကိုယ် လိုချင်သလို ပြန်လည်ထည့်သွင်းနိုင်ပါတယ်။

လက်တွေ့စမ်းချင်ရင် Contacts ထဲမှာ ဖုန်းနံပါတ်တစ်ခုကို ဖျက်ပစ်လိုက်ပါ။ ပြီးရင် Zootta ကိုသုံးပြီး ဖျက်ထားတဲ့ နံပါတ်ကို select မှတ်ကာပြန်ထည့်ကြည့်ပါ။ ဖျက်လိုက်တဲ့ ဖုန်းနံပါတ် ချက်ချင်းပဲ သင့်ဖုန်းထဲကို ပြန်ရောက်လာပါလိမ့်မယ်။

ဒီလောက်ဆို အသုံးပြုနည်းရော အသုံးဝင်ပုံပါ သိလောက်ပါပြီ။ Contacts တွေကို ဒီနည်းလေးနဲ့ မှတ်သားထားပါလို့ အကြံပြုပါရစေ။ ဘာမှလဲ မခက်ခဲပါဘူး။ အင်တာနက်လေးဖွင့်ပြီး အချိန်အနည်းငယ်ပေးလိုက်တာနဲ့ ကိုယ့်ဖုန်းနံပါတ်တွေ ကောင်းကင်ပေါ်မှာ စိတ်ချလက်ချ သိမ်းထားလို့ရပါတယ်။ ကွန်ပျူတာလဲ မလိုအပ်တော့ လွယ်တာပေါ့ဗျာ။ အလိုရှိတိုင်း ပြန်ထည့်နိုင်တာမို့ သုံးကြည့်ပေးပါလို့ ညွှန်းလိုက်ပါတယ်။

download Zootta app -

copy

mega

box

Contacts များကို ပြန်ကြည့်ချင်ရင် www.zootta.com မှာ ၀င်ကြည့်နိုင်ပါတယ်။

ပျော်ရွှင်ပါစေ။

Mr.AD (www.facebook.com/happyandroidworld)